Hazrat Abbas (a.s.)

MANSAB NAHIN MAANGA KOI SHAAHI NAHIN MAANGI
KHUD MIL GYI MARZI-E-ILAAHI NAHIN MAANGI
LAAOGE KAHAAN DOOSRA ABBAS KAHAAN SE
HAIDAR NE KOI AUR DUA HI NAHIN MAANGI
------------------------------------------------------------------------
Karbala Se Peshtar Tha Sabr Majboori Ka Naam
Sabr Ko Bakshi Nayi Ek Zindagi Abbas Ne

Haathwale Bhi Mujhe Itna Nahi De Paaenge
Jitni Daulat Sach Batau Baksh Di Abbas Ne.

Apni Quwwat Ke Daaire Mein Sabr Ki Rakh Karke Woh
Ek Qayamat Karbala Me Rok Li Abbas Ne

Farq Kitna Hai Hayat-o-Maut Mein Khat Khich Kar
Daal Di Is Falsafe Par Roshni Abbas Ne

Gaiz Kehta Tha Ke Badh Aur Sabr Kehta Tha Ke Ruk
Darmiyan Dono Ke Tay Ki Zindagi Abbas Ne

Garm Ho Jati Thi Aate Hi Hawa Uske Qareeb,
Kaun Kehta Hai Nami Mehsoos Ki Abbas Ne
------------------------------------------------------------------------ 
HAIDAR KI TARHA DEEN KE MADADGAAR HAIN ABBAS
KHAAMOSHI-E-SHABBEER KI TALWAAR HAIN ABBAS
HAATHON KE BINA HAIN JO UTTHATE HAIN ALAM KO
DUNIYA MEIN FAQAT AISE ALAMDAAR HAIN ABBAS

LEHRA KE BATAATA HAI YEH PARCHAM KA PHARAIRA
HO JAAO KHABARDAAR KE BEDAAR HAIN ABBAS

MANSAB PE IMAMAT KE WOH FAAIZ NAHIN PHIR BHI
SHABBEER KE HOTE HUWE SAALAAR HAIN ABBAS

TAUHEED KI ABBAS MEIN YEH SHIRK HAI DIL MEIN
MAT SOCHNA KE TAAREEKH MEIN DO CHAAR HAIN ABBAS