Janaabe Zainab (s.a.)

Zaalim Ke Dil Pe Sabr Ka Bhaala Lagaa Diya
Khutbon Ka Chaar Simt Ujaala Lagaa Diya
Ab Phir Koi Yazeed Na Baitthega Takht Par
Zainab Ne Qars-e-Shaam Pe Taala Lagaa Diya
------------------------------------------------------------------------
Zainab Usool-e-Deen Ki Tarha Baa Usool Thi
Nana Ke Shahr Mein Thi To Bilkul Rasool Thi
Bhai Ke Saath Saare Safar Mein Batool Thi
Darbaar Mein Ali Ka Mujassam Nuzool Thi
Zainab Kahin Husain Kahin Par Hasan Bani
Zainab Ka Ek Tan Tha Magar Panjetan Bani