Janaab-e-Khadeeja (s.a.)

MIDHAT HAI JO MATLAB TO UNWAAN BOHOT HAI

IZHAAR-E-WAFAA KE LIYE SAAMAAN BOHOT HAI

TAASEER TERE SHEER KI HAI KARBOBALA TAK

UMMAT PE KHADEEJA TERA EHSAAN BOHOT HAI

------------------------------------------------------------------------

NAADAAR QABEELON PE TERE GHAR KI ATAA HAI

JIS GHAR MEIN DIYAA JALTA HAI TERA HI DIYAA HAI

BIBI TERI MIDHAT MEIN YAHI LAFZ BADAA HAI

MAMNOON MOHAMMAD HAI TO MAQROOZ KHUDA HAI

MEHSHAR MEIN JO JANNAT KI KABHI BAAT CHALEGI

ZAHRA KO BHI JANNAT TERE QADMON MEIN MILEGI

------------------------------------------------------------------------
RUTBE MEIN KAHAAN KAUN HUWA TERE BARAABAR
KYUN KAR KOI KEHLAAYEGA AAKHIR TERA HAMSAR
HAIDAR TERA DAAMAAD MUHAMMAD TERA SHAUHAR
HASNAIN NAWAASE HAIN TO ZAHRAA TERI DUKHTAR
DOZAKH TERE DUSHMAN KE LIYE GARM HAWAA HAI
JANNAT TERI NAALAIN UTTHANE KA SILAA HAI